* 44. H. Guttatus. (Sturm.) - Oblongo-ovatus, niger, squamulis cervinis adspersus; antennis, rostro pedibusque rufescentibus, rostro tenuiore, sub-recto, basi carinato, thorace rugoso-punctato, utrinque plaga cervino-squamosa punctisque quator dorsi parvis, albidis ornato; elytris evidenter punctato-striatis , transversim rugosis ,punctis pluribus albidis maculaque postica, cervino-squamosa, decoratis. Patria: Cuba. A Dom. Sturm donatus. Magnitudo, statura et summa similitudo Heilipi multiguttati; thorace anterius romotius punctato, elytris evidenter punctato-striatis, ut et signaturis aliis, ab illo distinctus videtur. Caput breve, rotundatum, convexum, subtiliter crebre punctulatum, ferrugineum, sub-nitidum, squamulis piliformibus, cervinis parce adspersum; oculi magni, in fronte fere connexi, ovati, haud prominuli, nigri; rostrum thorace brevius, minus crassum, teres, apicem versus paululum arcuatum, basi tri-carinatum, pube cervina adspersum, dein subtilissime punctulatum, rufo-ferrugineum, sub-nitidum, glabrum. Antennae fere in medio rostri insertae, ad thoracis basin vix pertingentes, ferrugineae, parce pilosae; articulis duobus basalibus funiculi obconicis, subaequalibus; clava oblonga, acuminata, dense cinerco-pubescente. Thorax latitudine baseos multo brevior, apice late sed parum profunde emarginatus, anterius multo angustior, lateribus rotundato-ampliatus, basi bi-sinuatus, supra convexus, posterius crebre antice remotius rugoso-punctatus, rugulis transversis; niger, squamulis piliformibus, olivaceis adspersus, dorso punetis quatuor parvis, albidis, duobus in ipsa basi et duobus fere in medio, utrinque plaga magna, laterali, dilute cervino-squamosa, decoratus. Scutellum rotundatum, nigrum. Elytra antice sub-sinuata, thoracis basi nonnihil latiora, humeris obliquis, rotundatis; lateribus inflexa, ultra medium linearia, apicem versus angustata, apice ipso conjunctim rotundata, thorace triplo longiora, supra convexa, ante apicem gibbere obtuso notata, sat profunde crebre punctato-striata, interstitiis transversim rugosis; picea, pube depressa, cervina adspersa, punctis pluribus majoribus et minoribus, albidis, praesertim ad latera, obsita, plaga in disco postico, dense dilute cervino-squamosa decorata. Corpus subtus piceum, magis nitidum, vix punctatum, pube depressa, pallida parce adspersum, macula utrinque pectorali et nonnullis in basi ventris laete cervino-squamosis. Pedes longiusculi, validi, ferruginei, parce pallido-pubescentes; femoribus clavatis, subtus dente valido, acute armatis; tibiis sub-compressis, basi arcuatis, intus in medio nonnihil ampliatis, apice acute uncinatis; tarsis modice dilatatis, subtus brunneo-spongiosis. - Bhn.